(Stranded dahil sa pandemya) 80K OFWS PAUUWIIN SA PINAS

MAY 70,000 hanggang 80,000 pang overseas Filipino workers na na-stranded dahil sa pandemya ang pauuwiin sa bansa, ayon sa Overseas Workers Welfare Administration (OWWA).

“Isang concern natin itong new variant. Mga 70,000 to 80,000 ang darating pa na naapektuhan ng COVID-19, and then ‘yung naapektuhan ng travel ban sa UAE (United Arab Emirates), mahigit kumulang 5,000 sila.  At ang mga dumadating na regular passengers, ‘yung uuwi talaga, magbabakasyon, so ganoon,” pahayag ni OWWA administrator Hans Cacdac sa isang panayam sa radyo.

Nauna nang pinalawig ng pamahalaan ang travel ban sa mga papasok na biyahero mula sa UAE at anim na iba pang bansa hanggang Hunyo 30 dahil sa banta ng Delta variant, o ang variant na nagmula sa India.

Samantala, sinabi ni  Cacdac na inaprubahan na ng Department of Budget and Management (DBM) ang Special Allotment Release Order na P5.2 billion. Mas mababa ito sa P9.8 billion na orihinal na hiniling ng OWWA.

Inaprubahan din, aniya, ng DBM ang karagdagang cash allocation ng OWWA na  P1.2 billion.

Ani Cacdac, ang P5.2 billion ay gagamitin para sa accommodation, cash aid at repatriation expenses ng OFWs na nawalan ng trabaho dahil sa pandemya.

Related posts:

(Sa gitna ng pandemya) REMITTANCES NG OFWs BUMULUSOK STRANDED NA OFWS SA UAE BALIK-PINAS NA (Negosyo ng OFW pumatok ngayong pandemya) KAKAIBANG LASA NG ‘PARES’ BINABALIKAN MGA STRANDED NA PINOY SA SUDAN PINAUUWI NA (Ipagkakaloob ng gobyerno sa mga apektado ng travel ban sa China, HK at Macau) TULONG SA STRANDED NA OFWs OPLAN PARA SA STRANDED OFWs BUNSOD NG COVID-19 BU-BUUIN (Dahil sa COVID-19 crisis) REMITTANCES NG OFWs APEKTADO KALAGAYAN NG MGA STRANDED OFW ASIKASUHIN-VILLAR