ISANG bagong track ang idadagdag sa curriculum ng senior high school ng Department of Education na naglalayong magbigay ng kasangkapan sa mga mag-aaral na maging “Filipino entrepreneurs and digital leaders”.
Ang bagong track ay tutuon sa mga kasanayang kailangan ng mga mag-aaral sa larangan ng digital marketing, supply chain at logistics, data analytics, online security computer system.
Nilagdaan kahapon ng DepEd, Department of Trade and Industry (DTI) at Thames International School ang isang memorandum of agreement para sa pagsasama ng ‘e-commerce track’ sa senior high school education.
Sinabi ni DepEd Secretary Sonny Angara na makakatulong ito sa mga mag-aaral na makahanap ng in-demand na trabaho kapag sila ay nakapagtapos ng senior high school.
“Isa ito sa utos ng ating Pangulo, na bigyan natin ng trabaho, bigyan natin ng ating pag-asa ang ating mga kabataan. Pero bago natin sila bigyan ng trabaho, bibigyan natin sila ng karanasan, kailangan natin bigyan sila ng kaalaman, at iyan ang trabaho ng DepEd,” pahayag ni Angara sa kabyang talumpati sa naganap na signing ceremony.
ELMA MORALES
Related posts:
IMPLEMENTASYON NG SENIOR HIGH MATAGUMPAY – DEPED
SUPPLY NG PAGKAIN SAPAT-DTI
PASUKAN ITINAKDA NA NG DEPED SA AGOSTO 24
PAGDAGSA NG MGA TAO SA MALLS FAKE NEWS -DTI
ILANG MALLS KULANG NG SAFETY PROTOCOLS – DTI
DEPED PAGPAPALIWANAGIN NG ACT-CIS SA PASUKAN
PSC, DEPED: P.E. ‘DI AALISIN
PAGBUBUKAS NG DINE-IN RESTOS SA GCQ AREAS IREREKOMENDA NG DTI