SUAL MAYOR AT ALICE GUO, FRIENDS LANG

Naungkat sa Senado ang relasyon sa pagitan nina dating Bamban Mayor Alice Guo o Guo Hua Ping at Sual, Pangasinan Mayor Dong Calugay.

Sa pagpapatuloy ng pagdinig ng Senate Committee on women, Children and Family Relations na pinamumunuan ni Sen. Risa Hontiveros, tinanong ng senador kung totoong may dalawang anak ang dalawa.

Gayunman, itinanggi naman ng alkalde na may relasyon sila at iginiit na magkaibigan lamang silang dalawa ni Guo at wala rin silang anak.

“Ay hindi po,” sagot ng alkalde ng Sual matapos tanungin ni Senador Joel Villanueva kung sila ba ay “lovers in POGO.”

Nang tanungin naman kung mayroong business ang dalawa o shared bank account, sinabi niya na: “Wala po, ni-isa po.”

Tinanong din ni Hontiveros kung ano ang relasyon ni Calugay at Guo. Anang alkalde ng Sual, magkaibigan lang sila.

Samantala,  nairita na naman  ang mga senador dahil wala silang mapiga kay Guo

“I invoke my right of self incrimination nasa korte na po ang kaso “ Ito ang palaging sagot ni Guo sa pagtatanong ng mga senador.

LIZA SORIANO