ISINUSULONG sa Kamara ang House Bill 7192 na layong buhayin at palakasin ulit ang film industry sa bansa na kabilang sa mga nalugmok ngayong panahon ng pandemya.
Ayon sa may akda ng panukala na si AAMBIS-OWA party-list Rep. Sharon Garin, apektado ng pandemya ang kabuhayan ng nasa 2.8 million na mga manggagawa sa movie industry, audio-visual services, television production, at freelancers.
Nakasaad sa panukala na bibigyan ng subsidiya o pauutangin ang film companies ng Film Development Council of the Philippines (FDCP), sa pakikipagtulungan ng Department of Information and Communications Technology (DICT) para turuan ang mga kompanya na lumipat sa online platform at magkaroon ng access sa modernong kagamitan at teknolohiya.
Maaari ring pautangin ng FDCP at Department of Trade and Industry (DTI) ang mga apektadong film companies ng hanggang P5 million upang tulungan ang mga ito na makapag-produce ng mga proyekto.
Sinabi ni Garin na malaki ang nawala sa nasabing industriya mula nang ipasara pansamantala ang mga cinema theater sa buong bansa at pinatigil ang kanilang mga aktibidad at trabaho dulot ng health crisis.
Kung wala aniyang tulong na gagawin ang gobyerno ay tiyak na guguho ang industriyang ito. CONDE BATAC
Related posts:
SUBSIDIYA SA MAHIHIRAP IGINIIT
SUBSIDIYA SA OSPITAL LUMOBO
P19.583-B SUBSIDIYA, IPINALABAS NG GOV’T NOONG SETYEMBRE
AYUDA NG GOV’T SA GOCCs LUMAKI
TRANSPO PARA SA HEALTH WORKERS HINILING
GO UMAPELA SA DOF, BIR NA PALAWIGIN ANG TAX DEADLINE SA GITNA NG COVID-19 CRISIS
LOTTO, KENO IBA PANG LARO NG PCSO SUSPENDIDO
BAHAGI NG 2021 IRA HINILING NA IBIGAY NA SA LGUs PARA DAGDAG- PONDO VS COVID-19
Comments are closed.