BUMULAGA sa mga kabahayan ang pagtaas sa presyo ng liquefied petroleum gas (LPG) sa unang araw ng bagong taon.
Sa abiso ng Petron Corp., ang presyo ng kanilang liquefied petroleum gas (LPG) ay tumaas ng P3.40 kada kilo o P37.40 kada 11-kg cylinder tank simula Enero 1.
Ang Solane-branded LPG ay tataas naman ng P3.45 kada kilo o P37.95 kada 11-kg cylinder tank epektibo ngayong Enero 2.
“This reflects the international contract price of LPG for the month of January,” nakasaad sa advisory.
Inaasahang mag-aanunsiyo na rin ang iba pang mga kompanya ng price hike para sa buwan.