CAMP AGUINALDO – MAKIKIPAG-UGNAYAN ang Armed Forces of the Philippines (AFP) sa nararapat na ahensiya ng gobyerno para makakuha ng tamang impormasyon.
Ito ay matapos ang ulat ng Bureau of Customs (BOC) na aabot sa $370 milyon na mga smuggled product nang nakalipas na taon ang nakapasok sa bansa dahil sa pag-i-escort umano ng mga sundalo at airport police.
Ayon kay AFP Spokesperson Brig. Gen. Edgard Arevalo, beberipikahin nila ang impormasyon dahil tanging sa media lamang nila nakuha ang balita.
Giit ni Arevalo, hindi kukunsintihin ng AFP ang mga sundalong nasasangkot sa ganitong illegal activities kung mayroon man.
Sa ngayon aniya iimbestigahan muna nila ang isyu at kapag may resulta na at saka magbibigay ng komento ang AFP.
Samantala, blangko naman ang Department of the Interior and Local Government (DILG) at AFP sa nasabing halaga na umano’y naipuslit.
Sinabi naman ni Año hindi nila palalagpasin ito at makikipag-ugnayan sa BOC upang maberipika at maimbestigahan ang nasabing report.
“Officially we have heard that report only coming from the media, wala tayong tuwirang impormasyon right now kung mayroon ba tayong AFP personnel na naka-assign doon for that period, so allow us to check,” ayon pa kay Año. REA SARMIENTO/VERLIN RUIZ
Related posts:
NAPATAY SA SHOOTOUT SA MARIKINA ISA PALANG SUNDALO
(Wala nang warning kulong agad sa violators) STRICTER ECQ INILARGA NG PNP, AFP 160 police commando, 800 sundalo nakakalat
(150 sundalo makikipagpatintero sa pasaway) HARD LOCKDOWN SA SAMPALOC, MANILA NGAYON
2-DAY MEAL ALLOWANCE NG MGA SUNDALO PINANREGALO SA ARAW NG MGA INA
(Sabit sa pamamaril ng 4 sundalo) MGA PULIS DINISARMAHAN
(Rubout ang pagkamatay ng 4 sundalo sa Sulu) FABRICATED ANG PNP REPORT – GAPAY
9 JOLO COPS NA ‘KILLER’ NG 4 SUNDALO GINIRIAN NA SA NBI
COVID-19 VACCINE NA TINUROK SA MGA SUNDALO SMUGGLED
Comments are closed.