WALO katao ang sugatan nang masunog ang ilang kabahayan kamakalawa ng gabi sa Muntinlupa City.
Nilalapatan ng lunas sa isang ospital ang mga biktimang sina Rodel Sodnun, 38; John Paul Dela Cruz, 15; LeaAutor, 45; Morquiri Calindo, 12; Kent Flarry, 18; Clous Villamor, 35; Felly Rose Polairo, 34 at Joshua Serenas, 27, pawang residente sa Purok 6, Brgy. Sucat ng nabanggit na lungsod.
Ayon sa report na natanggap ng Southern Police District (SPD), sumiklab ang sunog dakong alas-6:30 kamakalawa ng gabi sa Creekside ng naturang lugar
Ayon sa SPD, umabot sa ikatlong alarma ang sunog matapos masunog ang ilang kabahayan sa naturang lugar.
Ang nabanggit namang biktima ayon sa report ay pinilit na maisalba ang kanilang kagamitan na naging sanhi rin nang pagka-sugat ng mga ito.
Kaagad namang dinala ng rescue team sa isang ospital ang mga biktima upang malapatan ng lunas.
Sa ngayon ay iniimbestigahan pa ng mga awtoridad ang pinagmulan ng apoy at kung magkanong halaga ng mga ari-arian ang napinsala. MARIVIC FERNANDEZ
Related posts:
KABI-KABILANG SUNOG SA METRO
BEBOT NA-TRAP SA SUNOG
APARTMENT NASUNOG, BABAE NADALE
(Anggulo ng arson tinitingnan) STAR CITY NASUNOG
783 PAMILYA NASUNUGAN SA NAVOTAS, 1 PATAY
3 MAGKAKAPATID NA PASLIT NADALE SA SUNOG, 2 PA SUGATAN
(Daang pamilya nawalan ng bahay) SUNOG SA RESIDENTIAL AREA, P800K NAABO
5 NANUNOG KAY EX-CONG MENDOZA, 2 PA HULI NG PNP-CIDG
Comments are closed.