INATAKE ng matinding muscle pain ang komedyanteng si Super Tekla habang nagpe-perform on stage 
with Donita Nose sa “Oh, Boy, Oh LOL!” concert kamakailan.
Nanigas ang binti ni Super Tekla at agad na kumapit sa bakal ng naka-set-up sa stage ng Music Museum.
Akala ni Donita ay bahagi pa rin nang pagpapatawa ni Super Tekla ang pagdaing niya sa napulikat na kaliwang binti.
Pero nu’ng napansin ni Donita na seryoso ang pagdaing ni Super Tekla sa kanyang nararamdaman at makitang pinagpapawisan ang kanyang ka-tandem on stage, agad tinapos ang kanilang segment that moment.
Sa kabila nito, nagpatuloy pa rin si Super Tekla hanggang matapos ang show. Hindi siya nagdramang um-exit sa show. The show must go on pa rin para kay Super Tekla.
Pagbalik niya ng stage, kinarga na siya ng isa sa mga Kapuso star na tampok sa “Oh, Boy, Oh, LOL!” concert pagpasok sa gitna ng entablado.
After the concert, nagkaroon kami ng chance na tanungin si Super Tekla kung ano talaga ang nangyari sa kanya. Hindi naman daw siya masyadong stress sa show at ‘di rin pagod.
Nagkataon lang daw na sobra ang energy na binigay niya sa palitan nila ng joke at “harutan” sa segment nila ni Donita na naging dahilan nang paninigas ng kanyang binti.
Mabuti na lang daw nawala ang pananakit at natapos niya ang concert. Habang nasa backstage raw kasi si Super Tekla ay minamasahe ng kanyang manager na si Rose Conde ang kanyang binti.
Super sulit naman ang mga nanonood ng “Oh Boy, Oh LOL!” concert dahil ‘di sila binigo ng Kapuso male stars na sina Rocco Nacino, Dave Bornea, Jak Roberto at Derrick Monasterio. Sobra ang seksi nila sa concert.
Opening number pa lang ay nagpakita na ng kanilang mga muscles at abs ang apat na hunk actors. Hindi naman nagpakabog si Donita dahil walang takot na ipinakita niya ang kanyang “boobs.”
Say ng katabi namin sa audience, kinabog daw ni Donita ang lahat ng LGBT performers. Siya pa lang daw ang naglakas nang loob na ipakita ang kanyang “boobs.”
Kinilig naman ang fans ni Jak nu’ng i-acknowledge niya ang presence ng kanyang girlfriend na si Barbie Forteza na nakaupo sa harap ng stage. Hindi naman namin nakita kung nandoon din at nanonood ng concert ang athlete-girlfriend ni Rocco na si Melissa Gohing… or baka naman hindi na talaga nanood si Melissa para ‘di ma-shock sa mga gagawin ng boyfriend niya sa show at ‘di rin maging ugat ng selos on her part.
Mukhang may pagkaselosa raw kasi si Melissa. May balita kasi na inun-follow ni Rocco si Sanya Lopez sa kanyang Instagram account dahil daw kay Melissa.
True kaya ‘to?
Anyway, congrats sa bumubuo ng “Oh Boy, Oh, LOL!” concert mula sa mga stars, kay Direk Marvin Caldito, sa buong staff at sa mabait na producer na si Calvin Chua ng CCC Events Production.
We heard, magkakaroon ng “Oh Boy, Oh, LOL!” tour nationwide, huh! ‘Wag na rin magtaka kung may balitang iikot din ang show outside the Philippines.
Comments are closed.