CAVITE – Bumagsak din sa kamay ng mga awtoridad ang itinuturing na supplier ng droga sa lalawigang ito makaraang masakote ng mga awtoridad sa ikinasang drug bust operation sa bahagi ng Barangay Burol Main, Dasmariñas City kahapon ng madaling araw.
Isinailalim sa tactical interrogation bago pina-drug test at physical examination ang suspek na si Jalalodin Guro y Macabando, 29, tubong Lanao Del Sur, trike driver at nakatira sa Block 10 Lot 15 Brgy. H2 sa nasabing lungsod.
Base sa police report, nasamsam sa suspek ang 30.53 gramo ng shabu na nakalagay sa 4 pakete na may street value na P198, 445.
Hindi na nakapalag ang suspek makaraang bitbitin ng arresting team ng pulisya saka dinala sa Camp Pantaleon Garcia sa Imus kung saan inihahanda na ang kaukulang ebidensya sa kasong paglabag sa RA 9165.
Sinsabing ang suspek ay pangunahing supplier ng droga sa nasabing lalawigan kung saan nagpapanggap na driver ng traysikel para sa kanyang drug trade. MHAR BASCO
Related posts:
DROGA ‘WAG BITBITIN SA PARTY -PDEA
MGA OPISYAL NG BARANGAY SA BULACAN KUMILOS KONTRA DROGA
DROGA MALAPIT NANG MABURA SA BULACAN
(Para sa paglaban sa droga at terorismo) 7K ESTUDYANTE NG STATE U LUMAHOK SA CAMPUS SYMPOSIA
P3.4-M DROGA NAKUHA SA KAGAWAD, 1 PA KALABOSO
DROGA SA 5 REHIYON TALAMAK PA RIN
AKTIBIDAD LABAN SA DROGA MATAGUMPAY
P13. 3 B DROGA SINUNOG SA CAVITE