LAGUNA- KASONG murder ang isinampa ng pulisya laban sa isa sa anim na suspek sa brutal na pagpatay sa lady driver na si Jingle “Jang” Ates Lucero sa lungsod ng Calamba.
Base sa ulat ni Calamba City Chief of Police PLt. Col. Gene Licud kay Calabarzon PNP Director PBGen. Vicente Danao Jr. nakilala ang naaresto na si Ann Shiela Montes Belarmino, umano’y kasintahan ni Lucero.
Sinasabing inaresto ng mga tauhan ni Licud si Belarmino noong nakaraang araw ng Biyernes dakong ala-1:30 ng madaling araw bitbit ang warrant of arrest kaugnay ng kinasasangkutan nitong kaso.
Sa harap ni Fiscal Jose C. Real Jr. isinagawa ang inquest proceedings ng suspek na si Belarmino habang patuloy pa rin pinaghahanap ng pulisya ang iba pa sa kanyang mga kasamahan.
Positibong nakilala thru CCTV footages ang suspek nang isagawa ng mga ito ang krimen.
Kaugnay nito, follow-up/manhunt operations ang patuloy na isinasagawa ngayon ng awtoridad para sa ikadarakip ng lima pang suspek. DICK GARAY
Comments are closed.