SUSPENSIYON SA “OPERATION BAKLAS” NG COMELEC, HINILING

PILIPINO Mirror
ATTY ROMULO MACALINTAL

HINILING ng election lawyer na si Atty. Romulo Macalintal ang suspensiyon ng Commission on Elections (Comelec) sa pag-aalis ng  campaign materials na lagpas sa sukat pero pinayagan ng mga may-ari na ilagay sa pribado nilang ari-arian.

Ipinaabot ito ni Maca­lintal sa ipinadalang liham sa Comelec na kanyang hiniling na repasuhin muna ng komisyon ang mga patakaran nito.

Nauna nang iginiit ni Macalintal na hindi maaa­ring basta pumasok ang sinuman sa pribadong ari arian para magbaklas ng campaign materials nang walang permiso mula sa nagmamay-ari ng lugar.

Kanya rin hinikayat ang mga nakaranas ng ga­nitong hakbang na maghain ng kaukulang reklamo sa Korte Suprema.

Bago ito, hinamon ni Comelec Spokesman James Jimenez ang mga kumukuwestiyon sa Oplan Baklas na magsumite ng petisyon sa Comelec o magsampa ng kaso sa Kor­te.

Tinukoy rin ni Jimenez na sinimulan na rin ng Comelec En Banc na tingnan ang mga probisyon ng Fair Elections Act na sumasaklaw sa pagpapatupad ng Oplan Baklas.

Wala pa namang pahayag ang Comelec sa ipinadalang sulat ni Macalintal. JEFF GALLOS

Related posts:

MAHIGIT 2K NAGPAREHISTRO SA COMELEC PATEROS Default ThumbnailPAMIMIGAY NG SAMPLE BALLOTS BAWAL Default Thumbnail1M BALOTA SINIRA NG COMELEC Default ThumbnailUNANIMOUS VOTE KAY COMELEC CHAIR ABAS COMELEC2M APLIKASYON PARA SA VOTERS REGISTRATION NAITALA NG COMELEC COMELECNATIONWIDE SATELLITE REGISTRATION ISINAGAWA NG COMELEC COMELECSPECIAL EXCLUSIVE REGISTRATION PARA SA PWDs, SENIOR CITIZEN ITINAKDA Spokesperson James Jimenez-2COMELEC-BOL PLEBISCITE, ITINAKDA