IPINASAILALIM ni Department of Health (DOH) – Calabarzon (Cavite, Laguna, Batangas, Rizal and Quezon) sa coronavirus disease 2019 (COVID-19) swab testing ang lahat ng empleyado nito upang ma-monitor at maagapang malunasan ang sinumang mapapatunayang positibo sa karamdaman.
“Although it is not a requirement for employees to get tested, it is important for them to be aware of their health status. We have to provide them every protection they need, especially now that COVID-19 cases continuous to rise,” paliwanag ni Regional Director Dr. Eduardo Janairo. “This time of pandemic hindi ka nakakasiguro na hindi ka tatamaan lalo na sa mga empleyadong nagko-commute papasok sa opisina. Lahat sila expose sa hindi nakikitang virus. That is why everyone MUST take necessary precaution in order not to be infected.”
“This test will ensure early detection of cases kung meron mang mag-positive at timely isolation para maiwasan pa ang pagkalat nito. We also have isolation facilities for employees of the region who will be found out to be positive with the COVID-19 virus,” aniya pa.
Kaugnay nito, pinayuhan ni Janairo ang publiko na tiyaking nakapagsasagawa sila ng ‘personal preventive measures’ upang makaiwas sa virus gaya ng physical/social distancing, proper hand washing at cough etiquette, na siya pa rin aniyang pinakamabisang paraan upang maiwasan ang pagkalat ng virus.
Mahalaga rin na palakasin ang resistensiya ng bawat isa para malabanan ang anumang karamdaman.
“Importante na palakasin natin ang ating pangangatawan pati na ang kaisipan upang malabanan ang anumang sakit na maaring makaapekto sa ating kalusugan,” dagdag pa ni Janairo.
Ilan sa mga sintomas ng sakit na dapat bantayan ng mga mamamayan ay ang pagkakaroon ng lagnat, tuyong ubo, pagkapagal at pagkawala ng pang-amoy at panlasa.
Maaari rin aniyang makaranas ng pananakit ng katawan, baradong ilong, tumutulong sipon, pananakit ng lalamunan at diarrhea.
Nabatid na sa Calabarzon ay nasa 5,574 katao na ang dinapuan ng virus hanggang nitong Hulyo 20, 2020. ANA ROSARIO HERNANDEZ
Related posts:
PUIs 23 NA LANG – DOH
P4.6-B PONDO LAAN NG GOBYERNO VS COVID –BONG GO
(140 na ang dinapuan, 11 ang patay) DOH INAASAHAN ANG PAGLOBO NG COVID-19 CASES
(DOH nanawagan sa publiko na tumulong sa pagsugpo sa virus) MAY COVID-19 LUMOBO: 230 NA
(Para hindi kumalat ang COVID-19) PUIs/PUMs TUTUKAN
DOH- TEST KITS NG CHINESE EMBASSY, ACCURATE
BONG GO SA DOH AT DBM: GAMITIN ANG AVAILABLE NA PONDO
DOH NAKIRAMAY SA MGA NASAWI SA SUMABOG NA LION AIR CRAFT
Comments are closed.