MABIBILI na ulit ang tahong sa mga palengke sa lalawigan ng Bataan matapos na alisin ang shellfish ban dahil sa red tide.
“Ngayon okay na, wala nang red tide sa Bataan. Maraming salamat,” pahayag ni Clarissa Boyo, tahong vendor sa nasa-bing lugar.
Ibinebenta nito ang tahong sa halagang P100 isang galon.
Naglabas ng shellfish advisory ang Bureau of Fisheries and Aquatic Resources (BFAR) para sa coastal waters sa mga bayan ng Orani, Samal, Abucay, Pilar, Orion, Limay, at Mariveles at sa Balanga na ligtas na sa redtide toxin.
Ang mga sample na kinuha sa area sa tatlong sunod na linggo ay napatunayang negatibo sa paralytic shellfish poison.
Dahil dito ay pinapayagan na ang pagkuha at pagbebenta ng mga lamandagat sa Bataan.
Noong Nobyembre 24, 2018, nag-isyu ng shellfish ban ang BFAR dahil sa red tide sa Bataan.