RIZAL- ARESTADO ang isang Barangay Tanod makaraang mahulihan ng pinagbabawal na droga sa Taytay sa lalawigang ito.
Kinilala ang suspect na si Rommel Delatado @ Bay, nasa hustong gulang at residente ng Taytay, Rizal.
Nakumpiska sa suspek ang humigit kumulang 39 gramo ng shabu na may street value P200,065.00) sa isinagawang drug buy bust operation ng Provincial Intelligence Unit (PIU) kamakalawa dakong alas-dos ng hapon sa kahabaan ng E. Mateo Extension , Brgy. Sta. Ana Taytay, Rizal.
Napag-alaman ng pulisya na ang nasabing suspek ay nakulong na rin sa kaparehas na kaso.
Sa ulat ni Col Dominic Baccay, Provincial Director ng Rizal Police Provincial Office kay BGen Antonio Yarra, Regional Director ng PRO CALABARZON na nagsagawa ang kanyang mga tauhan ng drug buy bust operation na nagresulta sa pagkakaaresto sa suspek at pagkakakumpiska ng iligal na droga.
Nahaharap sa kasong paglabag sa Comprehensive Dangerous Drugs Act of 2022 ang nasabing suspek na kasalukuyang nakapiit sa Taytay Custodial Facility. ELMA MORALES