PASABOG ang pag amin ni Jennylyn Mercado at Dennis Trillo na engaged na sila. Wala pang date kung kailan ang kasal pero garantisadong may magaganap na kasalan.
Bukod sa engagement, inamin din nila ang pagbubuntis ng aktres. Masayang ibinalita ito ng dalawa pero may problema. Dahil sa pagbubuntis ni Jennylyn, kanselado na ang gagawin sanang teleserye ng aktres at ng actor na si Xian Lim. Paano na si Xian?
Hopefully, may ibang project sa bagong Kapuso actor para hindi naman matengga ang kanyang career.
LA GRETA MAS MAY PUSO SA KESA MGA PULITIKO
Bilib ang mga taga showbiz kay Gretchen Barretto dahil nagbigay uli ng 2nd ayuda.
Unang namigay si La Greta noong summer. Halos naikot niya ang mga kasamahan sa showbiz, pati mga stand-up comedian, mga kasamahan sa teleserye at pelikula.
Mabangong mabango ang pangalan ni Greta. Naisip nga ng maraming baka balak niyang mag-file ng candidacy sa 2022 elections.
Ngayon linggo nilabas ni Greta sa mga taga-showbiz ang second ayuda, kaya naman marami ang natuwa.
Pero may mga nagtatanong kung saan galing ang pondo ng ayuda? May sponsor daw siguro.
Pero ako, wala akong paki kung sinoman ang sponsor, basta ang importante ay marunong siyang mag-share ng blessings.
Hindi siya tulad ng ibang artista at pulitikong mayayamang hindi man lang nagparamdam ngayon pandemic. Kaya sa ‘yo Greta, saludo kami sa’yo at mabuhay ka.