Mga laro sa Hulyo 4
(Mall of Asia)
4:30 pm- San Miguel vs Blackwater
7 pm- Magnolia vs NLEX
NAKOPO ni Barangay Ginebra veteran LA Tenorio ang PBA Player of the Week award matapos ang kanyang impresibong all-around game na naghatid sa Gin Kings sa four-game winning streak sa Commissioner’s Cup.
Si Tenorio ay may average na 14 points, 6.5 assists, 4 rebounds at 4 steals sa krusyal na mga panalo ng Ginebra laban sa Columbian Dyip at Alaska Aces noong nakaraang linggo.
Tumipa siya ng 16 points, 10 assists, 3 rebounds at 3 steals sa 133-104 pagdurog sa Columbian noong Miyerkoles bago nagposte ng 12 points, 5 rebounds, 5 steals at 3 assists, apat na araw lamang ang nakalipas nang tambakan ng Ginebra ang Alaska, 105-86.
Tinalo ni Tenorio para sa naturang parangal sina teammate Japeth Aguilar, June Mar Fajardo at Marcio Lassiter ng San Miguel Beer, Matthew Wright ng Phoenix, Maverick Ahanmisi ng Rain or Shine, at Troy Rosario ng TNT.
Ang Kings ay kasalukuyang nasa kalagitaan ng 12-day break at magbabalik sa aksiyon sa Hulyo 6 laban sa GlobalPort Batang Pier.
Nasa ika-6 na puwesto ang koponan sa standings na may 5-5 kartada.
Comments are closed.