NAPUTOL ang three-game winning streak ng San-En NeoPhoenix nang yumuko sa bisitang Niigata Albirex BB, 86-79, noong Linggo sa Toyohashi City gym.
Hindi nasustina ng NeoPhoenix ang matikas na simula, at ang mabagal na third quarter ang naging mitsa ng kanilang pagkatalo laban sa Ni-igata.
Abante ang home team sa 46-39 sa half, subalit na-outscore sila ng Niigata, 27-14, matapos ang break para makontrol ang laro.
Bumagsak ang San-En sa 5-18 sa season, habang nakabawi ang Niigata mula sa 85-81 pagkatalo sa naunang laro.
Tumipa si Thirdy Ravena ng 10 points at 4 rebounds, at nagbuhos si Stevan Jelovac ng 24 points at 10 rebounds para sa hosts.
Nanguna si Allen Durham, ang dating import ng Meralco sa PBA, para sa Niigata na may 17 points at 12 rebounds, at nagdagdag si Jason Washburn ng 22 points.
Comments are closed.