CEBU – MAGKASABAY na namatay ang mag-asawa nang makulong ang mga ito sa nasusunog nilang bahay sa Barangay Carreta.
Sa ulat ng Cebu City PNP at Bureau of Fire Protection, bandang alas-4:00 ng madaling araw nang sumiklab ang sunog sa isang residential area sa Sitio Ponce 2, Barangay Carreta na tumupok sa may 50 kabahayan.
Ayon sa imbestigasyon ng Cebu City Police Office, na-trap sa loob ng nasusunog na bahay sina Nicasio Orcullo, 62, at asawa nitong si Prosefina Orcullo, 57-anyos.
Lumitaw pa sa imbestigasyon na mabilis na kumalat ang apoy at kinailangang itaas sa ikatlong alarma ang sunog.
Sa pagtataya ng Bureau of Fire Protection aabot sa P900,000 ang danyos na inabot ng sunog na tumupok sa may 50 bahay sa lugar.
Patuloy namang inaalam ng awtoridad kung saan nagmula ang sunog na nakaaapekto sa mahigit 60 pamilya. VERLIN RUIZ
Related posts:
MAG-UTOL NAGLARO NG LIGHTER, BAHAY NASUNOG
SILID-ARALAN SA ISANG PUBLIC HIGH SCHOOL NASUNOG
ANCESTRAL HOUSE NASUNOG SA SOUTH COTABATO
FASTFOOD NASUNOG, DANYOS UMABOT SA P2-M
5 NADALE SA NASUNOG NA PENSION HOUSE
PAARALAN NASUNOG, 30 STUDES SUGATAN
P400K DANYOS SA NASUNOG NA PAGAWAAN NG PAPUTOK
P2.3-M GOODS NASUNOG
Comments are closed.