Nababahala si ACT Teachers Rep. France Castro na maaapektuhan ang halalan sa 2019 dahil sa ibinawas na pondo ng Department of Budget and Management sa Commission on Elections.
Dahil dito, nanawagan si Castro sa Kongreso na ibalik ang tinapyas na pondo sa Comelec.
Dismayado ang kongresista dahil mas mababa ng P5.88 bilyon o 36.73% ang budget ng komisyon sa ilalim ng 2019 General Appropriations Act kumpara ngayong 2018.
Kasama sa ibinawas sa alokasyon ang para sa 2019 midterm elections kung saan P15.9 bilyon ang iminungkahing budget ng Comelec pero P6 bilyon lamang ang ibinigay ng DBM.
Nangangamba si Castro sa kaligtasan at pagdaraos ng mapayapang halalan sa susunod na taon dahil sa kakulangan sa budget.
Maliban pa rito, higit na maaapektuhan ng kaltas budget na ito ang ibibigay na allowance at kompensasyon sa mga guro at kawani ng Comelec na magsisilbi sa eleksiyon.
Paalala ng lady solon na sa ilalim ng Election Service Reform Act, tinaasan na ang honoraria at compen-sation package ng mga miyembro ng board of election inspectors at iba pang election workers. CONDE BATAC
Related posts:
MAHIGIT 2K NAGPAREHISTRO SA COMELEC PATEROS
PAMIMIGAY NG SAMPLE BALLOTS BAWAL
1M BALOTA SINIRA NG COMELEC
UNANIMOUS VOTE KAY COMELEC CHAIR ABAS
2M APLIKASYON PARA SA VOTERS REGISTRATION NAITALA NG COMELEC
NATIONWIDE SATELLITE REGISTRATION ISINAGAWA NG COMELEC
SPECIAL EXCLUSIVE REGISTRATION PARA SA PWDs, SENIOR CITIZEN ITINAKDA
COMELEC-BOL PLEBISCITE, ITINAKDA
Comments are closed.