NALAMBAT ng Navotas Police ang isang binata na umano’y tirador ng cellphone matapos nakawin ang cellphone ng isang lola sa Navotas City.
Nahaharap sa kasong paglabag sa Art. 308 Theft ang suspek na si Pedro Cabalhaon, 39-anyos, residente ng Blk 41 Sitio Marcelo, Brgy. NBBS Proper.
Sa report ni Cpl Florencio Nalus kay Navotas police chief Col. Dexter Ollaging, natutulog ang biktimang si Imelda Sablaon, 57-anyos ng Blk 7 Lot 64 Buwan-buwan St., Brgy. NBBS Proper sa kanilang tindahan sa Lapu-lapu Ave., corner North Bay Blvd, Brgy. NBBS Kaunlaran nang makita na tinangay ng suspek ang kanyang cellphone.
Nagsisigaw ang biktima hanggang sa makahingi siya ng tulong sa mga awtoridad na nagsasagawa ng foot patrol sa lugar na nagresulta sa agarang pagkakaaresto sa suspek.
Nabawi sa suspek ang cellphone ng biktima na tinatayang nasa P8,000 ang halaga. VICK TANES