MAAARI nang mag-apply ng calamity loan ang mga miyembro ng Social Security System na apektado ng bagyong Tisoy.
Ito ang pahayag ni SSS President and Chief Executive Officer Aurora C. Ignacio dahil naglaan sila ng aabot sa P614 million sa ilalim ng Calamity Assistance Package para tulungan ang mga naapektuhan ng kalamidad.
Sa pagtaya ng SSS, aabot sa 68,000 libong mga miyembro ang naapektuhan ng bagyong Tisoy mula Bicol Region, Cavite, Laguna, Batangas, Rizal at Quezon (Calabarzon) at Mindoro, Marinduque, Romblon at Palawan (Mimaropa).
Nagsimula nang tumanggap ng calamity loan application ang SSS mula pa noong Disyembre 20 at magtatagal ito hanggang Marso 19, 2020.
Nilinaw ni Ignacio, tanging mga probinsiya o bayan na nasa ilalim ng state of calamity ang puwedeng makakuha ng calamity loan mula sa SSS tulad ng Quezon province, Batangas City; Mabitac, Laguna; Cavite, Oriental Mindoro, Occidental Mindoro, Marinduque; Corcuera, Romblon, San Fernando Romblon at Northern Samar.
Sinomang kasapi ng SSS na gustong mag-apply ng calamity loan ay maaaring makakuha ng hanggang P40,000.
Related posts:
GOBYERNO UUTANG NG P1.4 TRILLION
(Suspension order ng gov’t sa ilang mga bansa binawi ni Duterte) PAG-UTANG, DONASYON PUWEDE NA
PAG-UTANG SA IMF AT WORLD BANK, IMINUMUNGKAHI NG ACT-CIS
$4.55-B INUTANG NG PINAS PARA SA COVID-19 RESPONSE
DA UMUUTANG NG $200-M SA WORLD BANK PARA SA FISHERY PROJECT
UTANG NG PINAS LUMOBO SA P8.6-T
PAUTANG MAKABABAWAS SA BUDGET GAP
(Ipinalabas ng DTI para sa mga magnenegosyo) P5.4-B NA PAUTANG SA P3 PROGRAM
Comments are closed.