MAGIGING panauhin si Philippine Olympic Committee (POC) President Abraham ‘Bambol’ Tolentino sa webcast edition ng Philippine Sportswriters Association (PSA) Forum ngayong Martes.
Tatalakayin ng kongresista mula sa 8th district ng Cavite at head ng Integrated Cycling Federation of the Philippines (Philcycling) ang kanyang kampanya para sa panibagong termino bilang pinuno ng Olympic body ng bansa sa 10:00 a.m. session.
Nakatakda ang POC election sa Biyernes, Nov. 27.
Makakalaban ni Tolentino si Clint Aranas para sa POC presidency. Ang presidente ng World Archery Philippines ay bumisita sa weekly forum, tatlong linggo na ang nakalilipas, para ilatag ang kanyang plataporma.
Ang public sports program ay naka-livestream via PSA Facebook page fb.com/PhilippineSportswritersAssociation at isini-share din ng Radyo Pilipinas 2 Facebook page.
Comments are closed.