MAGPAPATUPAD ng dry-run ang Metropolitan Manila Development Authority (MMDA) sa darating na Abril para sa total ban ng provincial buses sa EDSA.
Sa pahayag ni MMDA EDSA traffic Bong Nebria, dry-run muna ang gagawin nila para malaman ang talagang epekto nito kapag nagkaroon ng total ban sa lahat ng provincial buses sa EDSA.
Nabatid na ang provincial buses na bumibiyahe mula sa Norte ang magiging huling destinasyon nito ay ang ginawang integrated terminal sa Valenzuela City at mula rito ay lilipat ang mga pasahero sa bus na biyahe naman ng pa-Metro Manila.
Samantala, ang mga manggagaling naman sa southern part ay titigil sa Santa Rosa, Laguna Integrated Terminal at saka magtra-transfer sa city buses.
Ayon sa MMDA, nasa 46 provincial buses na nasa EDSA ang tuluyang ipasasara para makabawas sa masikip na daloy ng trapiko.
Maglalagay ng harang sa buong EDSA maliban lamang sa mga designated loading-unloading area.
Ang hakbanging ito ay bunsod sa programa ng pamahalaan na magkaroon ng total traffic reduction sa Kalakhang Maynila. MARIVIC FERNANDEZ
Related posts:
NCR INIREKOMENDANG GCQ NA: JEEP BAWAL PA RIN, BUS 50% LANG ANG PAPASADA
6 PANG RUTA NG BUS SA METRO BUBUKSAN
DAGDAG NA RUTA NG BUS AARANGKADA NA
31 RATIONALIZED CITY BUS ROUTES PLANONG BUKSAN NG LTFRB
DAGDAG NA RUTA NG BUS, UV EXPRESS (Bubuksan na ng LTFRB)
DAGDAG NA PROV’L ROUTES BUBUKSAN NGAYONG LINGGO
FREE EDSA CAROUSEL RIDES GAGAWING PERMANENTE NG UNITEAM
PASAHERO PARTYLIST: BALIK-RUTA NG PROVINCIAL BUSES SA EDSA, GINHAWA PARA SA MGA PASAHERO
Comments are closed.