TRACK AND FIELD OLYMPIC GOLD MEDALISTS TATANGGAP NG PRIZE MONEY

ISTANBUL – Tatanggap ang track and field gold medal winners sa Paris 2024 Olympic Games ng USD50,000 prize money bawat isa, ayon sa World Athletics.

Ang track and field ang magiging unang Olympic sport na may nakalaang monetary reward.

“A total prize pot of USD2.4 million has been ring-fenced from the International Olympic Committee’s revenue share allocation, which is received by World Athletics every four years,” wika ng World Athletics sa isang statement. “This will be used to reward athletes who win a gold medal in each of the 48 athletics events in Paris with USD50,000,” dagdag pa nito.

“This policy change is meant to recognize that the revenue share that we receive is in large part because our athletes are the stars of the show,” sabi ni World Athletics President Sebastian Coe.

Sinabi pa ng World Athletics na simula sa Los Angeles 2028 Olympic Games, ang silver at bronze medalists ay tatanggap na rin ng prize money.

Ang modern Olympics ay nagsimula bilang isang amateur sports event na walang monetary reward sa mga magwawagi, subalit ang star performers ay makatatanggap ng pera mula sa kanilang gobyerno, sports bodies, o lucrative sponsorship deals.

Ang Paris 2024 Games, ang biggest-ever sporting event na idaraos sa France, ay nakatakda sa  July 26-Aug. 11.