MAGUINDANAO – ITINUMBA ang 43-anyos na negosyante habang sugatan naman ang pamangkin nito makaraang pagbabarilin ng hindi kilalang gunman sa Purok Pag-Asa, Rosales Extension sa Brangay Rosary Heights 6, Cotabato City kamakalawa ng gabi.
Napuruhan sa mukha at dibdib ang trader na si Allan Benito habang sa tiyan at hita naman ang pamangking si Datu Prince Balao na kapawa nakatira sa San Vicente Street, Cotabato City.
Sa inisyal na ulat ng pulisya, lumilitaw na ipinarada ng magtiyuhin ang kanilang sasakyan nang lapitan ng hindi kilalang lalaki saka isinagawa ang pamamaril bandang alas-7 ng gabi.
Narekober naman sa crime scene ang walong basyo ng cal. 45 pistol, isang glass tooter at P500 cash.
Sinisilip ng pulisya ang anggulong may kinalaman sa negosyo ng magtiyuhin ang naganap na krimen. MHAR BASCO
Comments are closed.