CAVITE- PATAY ang isang traffic enforcer matapos tambangan ng riding-in-tandem sa Brgy. Talaba IV sa Bacoor City nitong Lunes ng gabi.
Base sa imbestigasyon ng Bacoor City Police, nagmamando ng trapiko ang enforcer na si Edgar Domingo sa intersection sa Zapote Kalinisan Road bandang alas-8:30 nitong Lunes ng gabi nang lapitan ng riding in tandem.
Agad na pinagbabaril ang biktima bago tumakas papunta sa direksyon ng Talaba Aguinaldo Highway.
Naisugod sa ospital ang enforcer pero idineklarang dead on arrival ng doktor.
Hindi pa tukoy ang pagkakakilanlan ng mga suspek na huling nakitang nakasuot ng itim na helmet, naka white/black na jacket at pantalon ang rider habang angkas naman nito ay nakasuot ng silver na half face helmet, itim na jacket at pantalon.
Hustisya ang isinisigaw ng pamilya ngayon ng biktima at agarang paghuli sa mga suspek.
Patuloy pang tinutugis ang mga salarin at iniimbestigahan pa ang motibo sa pamamaslang.
SID SAMANIEGO
Related posts:
EX-BRGY. CHAIRMAN NILIKIDA NG TANDEM
TANOD, 1 PA SUGATAN SA PAMAMARIL
MAG-AMA UTAS, 2 SUGATAN SA PANANAMBANG
2 SIKYO NIRATRAT: 1 TODAS, 1 KRITIKAL
2 LALAKI NIRATRAT NG RIDING IN TANDEM
BINATA BINARIL HABANG BUMIBILI SA TINDAHAN
DATING KAGAWAD TODAS SA RIDING-IN-TANDEM
PULIS PATAY SA RIDING IN TANDEM