BATANGAS- DALAWANG estudyante sa Senior High School ang nasawi matapos banggain ng owner type na jeeo ang kanilang sinasakyan tricycle sa national highway sa Barangay Manghinao, Bauan.
Sa imbestigasyon ni P/Cpl. Raymond Matibag ng Bauan PNP, maayos umanong minamaneho ni Ramon Capiting, 62, ang tricycle nang bigla na lang umanong salpukin mula sa likuran ng isang owner type jeep na minamaneho naman ng isang nagngangalang Aldo Mendoza,62, may-asawa at residente ng Lipa City.
Sa lakas ng bangggaan ng mga ito tumilapon ang mga biktima sa highway na agad nilang ikinamatay dahil sa head injury.
Samantala, agad naman isinugod sa Batangas Medical Center si Capiling na ayon sa pulisya ay nasa kritikal na kondisyon. Arman Cambe