CAVITE – DALAWANG notorious na holdaper kabilang ang kaapelyido ng isang senador ang nasakote ng mga operatiba ng pulisya makaraang holdapin ang 19-anyos na college student sa bahagi ng Gardenia Valley Subd. sa Barangay Barangay Molino 3, Bacoor City, kamakalawa ng gabi.
Kinasuhan ng pulisya ang mga suspek na sina John Paulo “Buboy” Trillanes y Penolio, 29, Queensrow Garden Subd., Brgy. Queensrow East; at Lowel Bondoc y Romero, 18, ng Green Valley Subd., Orchid St., Brgy. San Nicolas 3, Bacoor City.
Base sa police report na naisumite sa Camp Pantaleon Garcia, lumilitaw na pauwi na ang biktimang si Riane Cepeda y Penecilla na naglalakad patungo sa kanyang bahay nang harangin ng dalawang suspek na armado ng matalim na screwdriver.
Wala namang nagawa ang biktima sa takot na mapahamak kaya hinablot ng mga suspek ang cling bag na naglalaman ng mga ari-arian ng dalaga.
Kaagad na dumulog sa himpilan ng pulisya ang biktima kung saan sa isinagawang follow-up operation ay nasakote ang mga suspek at narekober naman ang ilang gamit kabilang ang cellphone ng biktima at ang patalim na ginamit sa krimen. MHAR BASCO
Comments are closed.