NUEVA ECIJA- ARESTADO ng mga operatiba ng PNP ang isang aktibong barangay Kapitan sa bayan ng Guimba sa lalawigang ito.
Sa report na ipinadala ni PNP Provincial Director Col. Richard Caballero kay PNP Regional Director 3,BGen. Jose Hidalgo Jr. , kinilala ang kapitan del barrio na si Gil Gamis Y Romin ng Brgy, San Miguel sa nabangit na bayan.
Base sa paunang imbestigasyon, pinasok ng mga awtoridad ang tahanan ni Gamis sa pamamagitan ng Search Warrant No.22-2023 sa kasong RA 10591 na inisyu ni Branch 33 RTC Executive Judge Frazierwin Villaflor Viterbo.
Ito nitong Lunes, naaresto si Gamis dahil sa pag-iingat ng mga armas na walang kaukulang dokumento o lisensya.
Nakuha sa tahanan ng Kapitan ang isang M16 rifle,1 Carbine, at isang rifle grenade at ibang -ibang uri ng mga bala ng baril. THONY ARCENAL