TSINOY BIZMEN PINASALAMATAN SI DIGONG

PINASALAMATAN  ni Federation of Filipino Chinese Chamber of Commerce and Industry President Henry Lim Bon Liong si Pangulong Rodrigo Duterte sa pahayag  nito sa publiko na itigil na ang  paninisi  o xenophobic attack sa mga Chinese nationals sa pagkalat ng novel  coronavirus o 2019 nCoV.

Ayon kay Lim,  patuloy na sinusuportahan ng kanilang hanay si Pangulong Duterte at ang gobyerno dahil sa pagsisikap na masawata  ang pagkalat ng nCoV.

Positibo rin ang mga negosyanteng Tsinoy na lalago pa ang ekonomiya ng bansa at patuloy silang magi-invest sa Filipinas.

Hinimok din  ng mga negosyante  ang publiko na iwasan ang pagpapakalat ng mga pekeng balita, hate speech, unverified information  at racist defamation na nagdudulot ng kalituhan at takot.

Sa halip din aniyang  batikusin ang China at ang mamamayan nito ay  dapat na purihin ang pagiging transparent ng nasabing bansa  at ang kanilang political will at  pagsasakripisyo  sa pagpapatupad ng lockdown   sa Wuhan City  at kanilang mga kapitbahay  na sangkot ang milyong katao.

“We at the FFCCCII  want the best medical care for all people in the Philippines, because we strongly  believe that  public health  is the foundation  of a nation’s wealth and economic productivity. A healthy nation creates economic prosperity,” ang pahayag pa ni Lim. SCA