Nakalulungkot sadyang nakadidismaya…
Ang Krisis sa tubig dito sa Metro Manila..
Aba naman saan ka nakakita…
Wala namang suplay ng tubig pero tuloy ang kolekta.
Nagkakaalitan ngayon maging mga water concessionaire
Nangangamba sila sa Posibleng Government take over.
Napikon na ang Pangulo at gagamit na ng Emergency Power
Krisis sa tubig ay waring nagbibigay ng hang over.
Pero teka bakit nga ba…
tila nakakalimot ang balana…
Ang tubig sa mga Dam ay sapat ba?
Sadya nga bang ito ay tinitipid nang talaga?
Alalahanin natin at ating balikan…
May mga Bagyo ba at malalakas na ulan na nagdaan?
Aba, eh kung wala naman, ano ang sasahurin ng Dam?
Patuloy lang na natutuyot… wala tayong pagkukunan…
Huwag naman sanang lahukan pa ng Politika…
ang simpleng problema na kailangan lang ay Lohika
Ang gawin nating lahat, sumampalataya at umasa…
Manalangin ang lahat na ang malalakas na ulan ay IBUHOS NA.
(Si Edwin Eusebio ay araw-araw na naririnig sa DWIZ 882 am Radio)
