IPINAKITA ng Communist party of the Philippine New People’s Army (NPA) na wala silang pakialam sa buhay ng mga sibilyan nang sirain nila ang tubo ng pinagkukunan ng malinis na tubig na nagsilbi pang pain para tambangan ang mga sundalong magkukumpuni nito.
Ito ang inihayag kahapon ni Capt. Joash Pramis, public affairs chief ng 9th Infantry Division ng Philippine Army nang salakayin ng mga hinihinalang miyembro ng New People’s Army (NPA) ang grupo ng mga siblyan at sundalo sa Camarines Sur na ikinasugat ng pitong katao.
Ayon kay Capt. Pramis, nag-aayos ang apat na sibilyan at mga sundalo ng sirang tubo ng tubig nang biglang umatake ang mga rebelde sa ba-hagi ng Sitio Burong-Burong sa Barangay Malinao bandang alas-7:40, Sabado ng umaga.
Sinabi naman ni Pramis na hindi maibibigay ang pangalan ng mga biktima na kasalukuyang ginagamot sa isang ospital.
Nasa 10 rebelde ang nakasagupa ng tropa ng pamahalaan na tumagal ng 15 minuto.
Dagdag pa ni Pramis, lumabas sa imbestigasyon na intensyon ng mga rebelde na sirain ang water system sa naturang barangay. Dahil may kahalintulad din pangyayari kung saan winasak ng mga NPA at daluyan ng tubig sa kalapit na bayan
Nagpadala naman ng karagdagang sundalo para sa ikinasang pursuit operation sa pagtugis sa mga rebelde. VERLIN RUIZ
Related posts:
LIDER NG CPP-NPA NASAKOTE SA QC
16 LABOR LEADERS UMAMIN NA KASAPI NG CPP-NPA
CPP-NPA-NDFP CHIEF NEGOTIATOR FIDEL AGCAOILI PUMANAW NA
ARMORY NG CPP-NPA TINURO NG MGA SUMUKONG REBELDE
GIYERA KONTRA CPP-NPA TULOY
CPP-NPA ‘PERSONA NON GRATA’ SA 1,546 LGUs
(Sa 52nd anibersaryo ng CPP-NPA) PUWERSA NG AFP, PNP NAKAALERTO
DEADLINE VS NALALABING CPP-NPA IBINABA NG AFP
Comments are closed.