TUGADE SA PUV OPERATORS, DRIVERS: IGALANG ANG HEALTH PROTOCOLS

patnubay ng driver

GOOD day, mga kapasada! As always, bating paulit-ulit habang may pandemya. Stay safe at huwag kalilimutan – igalang ang kahingian ng coronavirus disease protocols para sa kaligtasang pangkalusugan ng bawat isa sa atin sa panahon ng ating pamamasada.

Ang atin pong tatalakayin sa isyung ito ay ang pagpapaalala ni Transportation Secretary Art Tugade sa ating mga  kapasadang drayber, gayundin sa mga operator ng public utility vehicles (PUVs), na matinding ipatupad ang health protocols upang maiwasan ang pagkalat ng COVID-19, matapos makatanggap ng ulat na ang pagpapatupad ng health protocols ay naging maluwag sa maraming PUVs na nagyayaot sa mga lansangan.

Sa pakikipanayam kay Secretary Tugade kamakailan ni Jun Legaspi, muli nitong sinabi na, “I am reminding our PUV drivers and operators that they are the government partners in the fight against COVID-19.  Their participation in this fight is crucial as they are the ones on the frontlines. They should not just ensure that their vehicles are sanitized all the time, but must also be constantly reminding passenger of the need to observe basic health protocols.”

Ang panawagan ay ginawa ni Sec. Tugade sa kabila na ang Metro Manila at mga kanugnog na lalawigan sa ilalim ng NCR Plus Bubble ay paunti-unti na ngayong  nag-bubukas ng mapagkakakitaaan na ang sektor ng transportasyon ay isa sa mga pangunahing kalahok sa pagpapatupad. Gayundin, ipinaalala ni Sec. Tugade sa mga pasahero na  tuparin para sa kapakanang pangkaligtasan ng sarili at ng mga kasakay na pasahero ang minimum health protocols samantalang sila ay sakay ng mga PUV tulad ng pagsusuot ng face mask, face shield at regular na paghuhugas ng kamay, pagtupad sa proper physical distancing, gayundin ang pag-iwas na kumain kahit na ano o pakikipag-usap sa katabi sa panahong sila ay sakay at  gumugulong sa lansangan ang kanilang sinasakyang PUV.

Binigyang-diin ni Tugade na umiiral pa ang pandemya na nagdudulot ng panganib sa kalusugan ng bawat isa kaya ang kanyang panawagan sa lahat, maging ikaw ay pasahero, driver o operator na sumunod  sa ipinatutupad na protocols ng Inter-Agency Task Force (IATF) para sa kaligtasan sa pagkahawa. Gayundin, muling nanawagan si Tugade para sa pagpapakalat ng  transport marshals upang ipatupad  ang health protocols sa loob ng mga PUV samantalang nananawagan siya sa mga mananakay na igalang at tuparin ang mga inilatag na protools. Nanawagan din si Tugade sa Land Transportation Office (LTO), Land Transportation Franchising and Regulatory Board (LTFRB) at sa Inter-agency Council for Traffic operators at mga drayber na mabigyan ng ibayong pagpapatupad ang inilatag na health protocols.

Ayon kay Tugade, ang pagkabigo ng mga drayber at operator na ipatupad ang mga inilatag na health and safety protocols ay maaaring maghantong sa kanila  sa supensiyon at rebokasyon ng kanilang prangkisa na maituturing na isang pagsuway sanakatadhana sa kanilang prangkisa at kung walang physical distancing, maaari namang hulihin sila sa kasong paglabag sa overloading.

Samantala, inatasan ni Tugade ang law enforcement and regulatory agencies na kakawing ng DOTr na habulin ang mga operator ng  mga kolorum  na sasakyan na illegal na namamasada sa Kalakhang Maynila. Ipinaliwanag ni Tugade na hiindi tayo uusad sa ating laban kontra COVID-19 kung walang pakundangan nating nilalabag ang mga ipina-tutupad na quarantine protocols. Ang kailangan natin ay hindi lamang ang pansariling kapakanan sa pakikibaka sa pandemya kundi ang mailigtas ang buhay ng nakararaming kababayan, payahag pa ni Tugade.

PAANO MAIIWASAN ANG MGA KAWATAN SA LAMAN NG NAKAPARADANG SASAKYAN

Mga kapasada, malawak ang sakop ng paksang ating tatalakayin sa isyung ito tungkol sa mga kawatan at bandalismong sasakyan. Sakop nito ang pagnanakaw ng sasakyan, attempted o consummated (pagtatangka o naisakatuparan), idagdag pa rinang tinatawag na vandalism o paninira para makuha ang gusto nila sa loob ng nakaparadang sasakyan. Sa pakikipanayam sa isang gasoline boy sa kahabaan ng Sucat Road sa lungsod ng Paranaque, sinabi niya na sa sandalling ipinarada ng driver ang minamanehong delivery van para tumugon sa tawag ng pangangailangan, karaniwang sa pagpunta sa palikuran ay ipaparada na lamang sa isang tabi ng gasolinahan ang sasakyan. Ayon sa karanasan ni Jess Ferrer, delivery boy ng isang establisimiyento sa Paranaqque, ipinarada niya ang kanyang minamanehong delivery van ng yelo sa tapat ng isang convient store sa kahabaan ng Sucat Road para bumili ng sigarilyo ilang hakbang lamang ang layo sa ipinaradang delivery van. Haba siya ay papalabas sa naturang convenient store, bigla na lamang umanong humarurot ang kanyang sasakyan tangay ng kawatan. Bagaman na-recover naman ng mga awtoridad ang kanyang sasakyan sa isang squatter area sa lungsod pagkaraan ng dalawang araw, naatado na ito at nakuha nang lahat ang mga mahahalagang  piyesa n ito. Sa pakikipanayam sa isang miyembro ng follow up team, ipinapayo nito sa mga motorista na huwag iiwan ang sasakyan kung ito ay:

  1. Umaandar at nakasusi ang on ng makina.
  2. Huwag iiwan ang inyong driver’s license sa loob ng sasakyan kung kayo ay lalabas dito at may bibilhin para makatiyak ng kaligtasan sa ganitong modus operandi ng mga kawatan.
  3. Iwasang iwanan ang umaandar na sasakyan kahit sandali lamang kung tutugon sa pangangailanang pangkalusugan tulad ng pagbili ng anumang pantawid -gutom, gayundin ay huwag mag-iiwan ng ekstrang susi sa loob ng sasakyan at tiyakin na ang lahat ng pinto at binta ay sarado bago iwan ang sasakyan sa paradahan.

PAYO NG ALAGAD NG BATAS

Bilang karagdagan sa mga nabanggit, sundin ang payo ng mga alagad ng batas upang makaiwas sa karaniwang modus tulad ng paniniyak na sarado ang mga pinto at bintana ng sasakyan kung ito ay iiwan, madalian man o matagalan. Tiyakin din na walang anumang gamit sa loob ng sasakyan na magsisilbing tukso sa mga magnanakaw upang magbreak-in. Ilagay, aniya, ang lahat ng gamit na pang-agaw ng atensiyon ng mga kawatan sa trunk ng sasakyan. Iwasan din ang mag-iwan ng anumang mahahalagang dokumento tulad ng driver’s license at OR at official Car Registration sa loob ng sasakyan. Pumarada sa lugar na may sapat na liwanag at daan ng mgatao at maglagay ng steering club lock.

LAGING TATANDAAN: UMIWAS SA AKSIDENTE UPANG BUHAY AY BUMUTI. HAPPY MOTORING!

3 thoughts on “TUGADE SA PUV OPERATORS, DRIVERS: IGALANG ANG HEALTH PROTOCOLS”

Leave a Reply

Your email address will not be published.