NUEVA ECIJA – DEAD on the spot ang isa umanong tulak ng illegal drugs makaraan nang nangyaring engkuwentro sa isinagawang buy bust operationng mga awtoridad, habang tatlong iba pa ang nadakip sa magkakahiwalay na lugar sa San Jose.
Sa report na ipinadala ni P/Lt. Col. Heryl Bruno kay PNP Provincial Director P/Col. Leon Victor Rosete, kinilala ang napatay na si Juanito de Guzman alyas Jonie ng Brgy. Abar 1st.
Nakuha mula sa suspek ang isang cal. 38 baril, at isang plastic sachet nang hinihinalang shabu.
Ganap na alas-12:20 ng madaling araw nang mangyari ang buy bust.
Samantala, arestado rin sa magkakahiwalay na lugar sina Marx Lenin Lumibao alyas Kalabaw, 30, ng Villarama St., Brgy. Rafael; Rueda Rolando Obillo, 29, binata tricycle driver; at Mylene Bautista, 38-anyos ng Zone 5, Julia St., Brgy Abar 1st.
Narekober mula sa kanila ang walong plastic sachet ng hinihinalang shabu at mga paraphernalia. THONY ARCENAL
