LAGUNA – Hindi na umabot pa nang buhay sa pagamutan ang 34-anyos na lalaking itinuturong tulak ng droga matapos magawa umanong manlaban sa pulisya sa Brgy. Palingon lungsod ng Calamba kahapon ng madaling araw.
Sinasabing nagkasa ng buy bust operation ang mga kagawad ng Calamba City PNP Drug Enforcement Unit (DEU) sa lugar dakong alas-12:30 ng madaling araw ng hindi inaasahang mauwi umano sa engkuwentro na ikinasawi ng suspek na kinilala ni Laguna PNP Provincial Director PCol. Eleazar Matta na si Gerry Simon Bonsa, napapabilang sa street level pusher, naninirahan sa nasabing lugar.
Hinala ng pulisya na posible umanong nakatunog ang suspek na pulis ang kanyang katransaksiyon dahilan para magawa nitong manlaban gamit ang kalibre 38 baril.
Nakumpiska ng pulisya sa lugar ng pinangyarihan ng insidente ang ginamit na kalibre 38 baril, hindi pa mabatid na gramo ng shabu, drug paraphaernalias at buy bust money. DICK GARAY
Related posts:
DROGA ‘WAG BITBITIN SA PARTY -PDEA
MGA OPISYAL NG BARANGAY SA BULACAN KUMILOS KONTRA DROGA
DROGA MALAPIT NANG MABURA SA BULACAN
(Para sa paglaban sa droga at terorismo) 7K ESTUDYANTE NG STATE U LUMAHOK SA CAMPUS SYMPOSIA
P3.4-M DROGA NAKUHA SA KAGAWAD, 1 PA KALABOSO
DROGA SA 5 REHIYON TALAMAK PA RIN
AKTIBIDAD LABAN SA DROGA MATAGUMPAY
P13. 3 B DROGA SINUNOG SA CAVITE
Comments are closed.