BULACAN-PATAY ang drug suspect makaraang manlaban sa Station Drug Enforcement Unit (SDEU) ng Norzagaray police nang makatunog na undercover agent ang kanyang katransaksyon sa Barangay Bitungol, Norzagaray.
Kinilala ni Bulacan Provincial Director Col. Lawrence B. Cajipe, ang suspek na si Richard Libungan y Bagayan na agad na nasawi sanhi ng tama ng bala sa kanyang katawan at nakuha sa pag-iingat nito ang tatlong pakete ng shabu, isang caliber 38 revolver na kargado pa ng bala at drug money.
Nabatid na dakong alas-10 ng gabi noong Lunes isinasagawa ang buy bust operation na kung saan natunugan ni Libungan na pulis ang katransaksiyon nito kaya’t agad bumunot ito ng baril at nakipagpalitan ng putok sa awtoridad.
Kasabay nito, lima pang drug suspects ang nasakote rin ng mga pulis sa bayan ng San Ildefonso at Pulilan na kinilala naman nina Lt.Col. Jesus O. Manalo Jr., Hepe ng Pulilan Police at Major Russel Dennis E. Reburiano, Acting Chief of Police ng San Ildefonso Police,ang mga naarestong sina Alvin Reyes, Jonathan De Guzman y Valmadrid, Donald Aguilar y Trinidad, Jhon Mark Santos y Carpio alias Mac Mac at Bryan Gardon na nakorner sa anti-drug operation. MARIVIC RAGUDOS
Comments are closed.