BULACAN-ISANG drug pusher na tinaguriang alias Batman at itinuturong source ng shabu sa bayan ng San Ildefonso at kalapit-bayan ang napatay nang pumalag makaraang makatunog na undercover police ang kanyang ka-transaksyon sa Barangay Sapang Putik,San Ildefonso lalawigang ito kamakalawa.
Sa isinumiteng report kay Bulacan Police Director Col. Lawrence Cajipe, kinilala ang napatay na suspek na alias Batman sanhi ng mga tama ng bala sa iba’t ibang bahagi ng katawan.
Nabatid sa ulat ni P/Major Russel Dennis E.Reburiano,Chief of Police ng San Ildefonso Municipal Police Station,dakong alas-2:40 ng madaling ar-aw noong Sabado nang magkasa ang Station Drug Enforcement Unit (SDEU) ng buy bust operation laban sa suspek sa Barangay Sapang Putol, San Ildefonso.
Matapos ang bentahan ng droga ng drug suspect at ng undercover operative na umaktong poseur-buyer ay nakatunog ang suspek na aarestuhin siya kaya bumunot ito ng baril at nakipagpalitan ng ito putok na siyang ikinasawi nito.
Narekober sa lugar ng pinangyarihan ang anim na maliliit na pakete ng shabu, isang caliber 38 revolver na kargado pa ng dalawang bala,isang RUSI mo-torcycle, pulang helmet,isang Samsung keypad cellphone,P500 buy-bust money at utility box na nagalalaman ng ibat-ibang identification cards. MARIVIC RAGUDOS
Comments are closed.