TULONG NI BONG GO ILALAPIT SA MASA

INIHAYAG ni Senador  Bong Go na walang kinalaman sa politika ang patuloy niyang pagtulong sa mga nangangailangan, partikular sa mga nasunugan at biktima ng iba’t ibang ka­lamidad na dumarating sa bansa.

Sinabi ni Sen.Go, tinutupad lamang niya ang kanyang mga pangako noong kampanya.

“Ipinangako ko po sa mga nagtiwala sa akin na dadalawin ko sila at tutulungan sa oras ng panga­ngailangan na akin lamang tinutupad sa ngayon,” ani Sen. Go.

Aniya, ngayong senador na siya ay lalo pa niyang ilalapit sa masa ang ano mang tulong na kanyang maaaring magawa.

Nilinaw  pa ni Go  na nagbibiro lang ang Pangulong Rodrigo Duterte noong sabihin sa isang pagtitipon na may ambisyon siyang maging Presidente.

“Tama na po sa akin itong pagiging senador, gusto ko lang talagang tumulong, wala na pong iba,” paglilinaw pa ni Go.