TYPICAL STUDIO TYPE CONDO

PAG nagtrabaho ka o nag-aral sa Metro Manila, kailangan mong tumira dito at least five days a week. Alin sa dalawa, umupa ka ng apartment o condo, o bumili ka na lang. Mas praktikal ang bumili dahil mahal din naman ang umupa. Mahal ang upa sa bahay. Mahal din ang one month deposit at two months advance na hinihingi ng mga nagpapaupa. Isa pa, napakaraming restrictions pag uupa ka lang.

Pero hindi ibig sabihing dahil bumili ka, doon ka na habampanahon titira. Pansamantala lamang ang city house. Mas maganda pa ring magpatayo ng malaking bahay sa probinsya. Pero may choice ka ba? Buti pa, kumuha ka na lang ng tipikal na studio type condo unit.

Ano nga ba ang tipikal na studio type condominium? Simple lang. May kitchen, living room, at bedroom — na magkakasama sa isang space. Yung iba, may hiwalay na kitchens, at ang iba naman ay “L-shaped,” na parang alcove na magagamit na tulugan.

Ang karaniwang laki ng studio type unit sa ngayon ay 22-30 sqm. Ang condominium, na tinatawag ding “condo” for short, ay isang  privately-owned individual unit” sa loob ng isang komunidad ng iba

pang units. Nagsi-share sa mga common areas ang mga condo owners, tulad ng swimming pool, garahe, elevators at mga hallway at gyms.

Kapag condo owner ka, responsible ka sa pagbabayad ng monthly fee, na kinokolekta ng condo association, na siyang nagma-ma­nage ng lahat ng exterior at common area maintenance.

Meron ding tinatawag na bedsit. Ang tawag natin dito sa Pilipinas sa bedsit ay intersuelo at sa ibang bansa naman ay flat. Mas maliit ito sa condo, pero kung maaayos ay pwede na ring condo.

Karaniwang isang kwarto lamang ang interswelo, na may maliit na space para sa pagluluto, may fridge,  kama, silya, at acess sa shared bathroom – pwede ring may sariling maliit na bathroom.

Kung medyo Malaki ang interswelo, nagi­ging 1+1 bedroom ito. Pag sinabing 1+1 bedroom, isa itong one-bedroom unit, na ang bedroom ay nakahiwalay lamang gamit ang movable divider para mahiwalay sa living area. — NV

Related posts:

BAHAY O CONDO ANO ANG BIBILHIN KO?