Mga laro sa Linggo:
(Filoil Flying V Centre)
9 a.m. – UE vs UST (Jrs)
11 a.m. – FEU vs AdU (Jrs)
1 p.m. – DLSZ vs UPIS (Jrs)
3 p.m. – NU vs Ateneo (Jrs)
MAKAHAHARAP ng National University ang defending champion Ateneo sa huling laro ng four-game bill sa pagsisimula ng aksiyon sa second round ng UAAP Season 81 juniors basketball tournament sa Linggo sa Filoil Flying V Centre.
Umaasa ang Bullpups (6-1) na maduplika ang kanilang 78-62 panalo sa rematch ng Finals noong nakaraang taon upang maging No. 1 team sa first round sa kanilang 3 p.m. duel ng Blue Eaglets na mapanonood sa national TV.
Magsasagupa naman ang Far Eastern University-Diliman at Adamson University, kasama sa ‘three-way’ tie ang Ateneo sa ikalawang puwesto na may 5-2 , sa alas-11 ng umaga.
Ang showdown ay tatampukan ng mga higanteng sina Kai Sotto, ang 7-foot-1 Ateneo center na nangunguna sa season MVP race, at Carl Tamayo ng NU.
Sa kanyang unang UAAP match-up kay Sotto noong nakaraang Dis. 15, si Tamayo ay kumamada ng double-double na 13 points at 10 rebounds.
Pinangunahan naman ni Sotto ang Eaglets na may 23 points, 13 boards at 3 assists.
Ang Bullpups ay galing sa PSSBC championship noong Christmas break.
Sa iba pang laro ay magpapambuno ang University of Santo Tomas (3-4) at University of the East (1-6) sa alas-9 ng umaga, habang magkakasubukan ang De La Salle-Zobel (3-4) at UP Integrated School (0-7) sa ala-1 ng hapon (PSC) na pinamumunuan ni Chairman William Ramirez.
Comments are closed.