BATANGAS- ISANG UAAP player na kasama sa lalaban sa SEA Games sa Cambodia ang nananakawan ng iPad habang natutulog sa barko na padaong sa Batangas port.
Kinilala ang biktima na si Abegail Manzano, 22, nang lapitan ito ng isang matandang babae na tila ginigising siya.
Nasapol ng CCTV ang pagnanakaw ng hindi nakikilalang suspek.
Makaraan ang ilang saglit lumipat ng pwesto si Manzano at umidlip muli habang hinihintay na tuluyang makadaong ang barko.
Sinamantala ito ng matandang babae na nakatalukbong ng tela sa ulo saka kinuha ang iPad ng biktima na nasa bag bago at lumabas ng accommodation area ng barko.
Huli na ng matuklasan ni Manzano na nawawala na ang kanyang iPad nang siya ay magising.
Lumahok ang biktima sa opening ng provincial meet ng Occidental Mindoro sa bayan ng Sablayan at nagmamadaling umuwi sa UP Diliman dahil may exam pa siya
Lalaban si Manzano sa SEA Games track and field event sa Cambodia. PMRT