JONG UICHICO
MAY bagong coach ang NLEX Road Warriors sa patuloy nilang pagtatangka sa kanilang unang kampeonato sa PBA.
Ito’y makaraang kunin ng koponan si veteran tactician Jong Uichico bilang kanilang pinakabagong head coach.
Isang nine-time PBA champion mentor, ang dating TNT, San Miguel, at Barangay Ginebra coach ay pinaniniwalaan ng Road Warriors management na makatutulong sa kanila na makamit ang kanilang unang titulo sa liga.
“The NLEX Road Warriors are excited to take this new journey with coach Jong Uichico,” pahayag ni NLEX Corporation president and general manager Luigi Bautista patungkol sa two-time PBA Coach of the Year.
“He brings a wealth of experience to the squad and a clear idea of what it takes to win a championship as the fourth-winningest coach in PBA history,” dagdag pa niya patungkol kay Uichico na bahagi na ng staff ni outgoing head coach Frankie Lim bago ang hakbang.
“We also thank coach Jong Uichico for taking on this new challenge to lead the Road Warriors as we start our preparations for the upcoming PBA season,” sabi ni NLEX governor Ronald Dulatre.
Samantala, nagpasalamat ang NLEX kay Lim na nagbalik sa pagko-coach sa PBA sa kanila noong 2022.
“We are grateful to coach Frankie Lim for his dedication to the Road Warriors and we thank him for his contributions,” ani Dulatre.
