QUEZON CITY – ISANG 65-anyos na lolo ang kalaboso makaraang umastang awtoridad sa lungsod na ito.
Arestado ng mga tauhan ng Quezon City Police District (QCPD) sa pamumuno ni Director, Chief Supt. Joselito Esquivel Jr. si alyas Pacifico ng Malabon City, dahil sa illegal possession of firearm at usurpation of authority.
Sinabi ni Anonas Police Station (PS 9) chief Supt. Cipriano Galanida alas-11:00 ng umaga nang komprontahin ng matanda ang jeepney driver na nag-counterflow sa V. Luna Extension malapit sa kanto ng Anonas Road, Brgy. Malaya, at hiningi ni Pacifico ang driver’s license nito.
Samantala, sinabi ng isang Florentino Zulueta Jr. na kinabahan ito ng mapansing may nakasuksok na baril sa beywang ni Pacifico kaya nagtanong ito sa standard operation procedure ng pagkakamali nito.
Dahil dito nagalit ang matanda at sinigawan si Zulueta, at nagpakilalang pulis na ikinatakot nito at agad namang humingi ng tulong sa mga pulis. PAULA ANTOLIN
Comments are closed.