NASA malubhang kalagayan ang isang 36-anyos na lalaki matapos saksakin ng step father makaraan itong awatin ng biktima nang makita niya na sinasakal ng suspek ang kanyang ina sa Malabon City, kamakalawa ng gabi.
Kasalukuyang inoobserbahan sa Tondo Medical Center sanhi ng tinamong saksak sa kanang bahagi ng katawan si Gilbert Arizala, habang nahaharap naman sa kaukulang kaso ang suspek na nakilalang si Ernesto Ronquillo, 60.
Sa ulat nina PSSg Maedelio Osting at PSSg Jose Romeo Germinal II kay Malabon Police Chief Col. Jessie Tamayao, alas-6 ng gabi nang maganap ang insidente sa loob ng bahay ng biktima at suspek sa 143 Javier II St., Brgy. Baritan.
Lumitaw sa imbestigasyon ng pulisya na nakita ng biktima na sinasakal ng suspek ang kanyang ina na naging dahilan upang awatin nito ang amain.
Gayunman, naglabas ng kitchen knife ang suspek at tinarakan sa katawan ang biktima at nang makita naman ni Robert Arizala, 34, ang pangyayari ay umawat ito saka sinunggaban ang hawak na patalim ni Roquillo.
Matapos ang insidente, mabilis na isinugod ang biktima sa nasabing pagamutan habang nadakip naman ang suspek ng rumespondeng mga tauhan ng PCP-7 sa pangunguna ni PEMS Randy Santiago. EVELYN GARCIA
Related posts:
(Sinundan ng karelasyon sa ospital) BEBOT NA BINUGBOG NG LOVER, SINAKSAK HABANG GINAGAMOT
LGU EMPLOYEE HINATAW NG BASEBALL BAT, SINAKSAK PA
BINATA SINAKSAK, INIHULOG SA BALON, 8 SUSPEK WANTED
BAGONG LOVER NG EX SINAKSAK NG KELOT
JESUIT VOLUNTEER NAGISING SA PANLOLOOB, SINAKSAK NG KAWATAN
KAGAWAD SINAKSAK NG SUITOR NG ANAK
MISIS SINAKSAK NG SELOSONG MISTER
28 TARAK NG BAGETS SA 7-ANYOS NA BABAE
Comments are closed.