DINAGSA ang isinagawang victory party para sa mga supporter ng Brgy Ginebra kamakalawa ng hapon sa Metro Tent sa Metro Walk sa Pasig. Maaga pa lang ay nakapila na ang mga supporter ng Gin Kings. Habang naghihintay ang fans sa pagdating ng mga player ng koponan ay pinanood muna nila ang Game 3. Sulit naman ang paghihintay ng lahat dahil pagkatapos ng party ay nakatanggap sila ng champion t-shirt ng Ginebra, produkto at 2020 calendar ng koponan. Congrats ulit sa kampo ng Gin Kings, sa SMC, at kay coach Tim Cone.
Hindi lang si Mark Caguioa ang happy sa pag-extend sa kanyang one-year contract ng Ginebra management kundi maging ang fans at supporter ng Gin kings. Nasa edad 40 na si Caguiao pero kaya pa niyang makipagsabayan sa mga batang player. ‘Yun nga lang bibihira na siyang gamitin ni coach Tim Cone, mas pinapaboran ni coach ang mga mabibilis kumilos sa court. Pero kapag may time na kailangang gamitin si Mark ni coach Cone ay nagagawa nitong bigyan ng playing time. Sakali namang matapos ang kontrata ni Caguioa ay hindi naman Ito mawawala sa team dahil posibleng idagdag siya sa coaching staff ng koponan.
Congratulations kay Jack Santiago na siyang bagong head coach ng aming alma mater na UNIVERSITY OF THE EAST. Sana ay siya na ang sagot sa UE RED WARRIORS. May 11 iseasons na hindi nakapasok sa final four ang UE , hoping na maging maayos na ang team namin para sa 83rd season ng UAAP. Ang host ngayong 2020 ay ang De La Salle Green Archers.
Marahil ay panahon na para umuwi si Mr. Graham Lim, ang may timon sa kumikikig pang Basketball Association of the Philippines(BAP)na pinagkaisahang pagdusahin ng mga maimpluwensiya sa lipunan noong Aquino administration.
Si Graham Lim na ipinanganak sa Filipinas, nag-aral, nagkapamilya at nakapaglingkod na rin sa bansa bilang sports leader ay nagdurusa pa rin sa ibang lupain dahil sa kawalan ng hustisya kung saan itinapon siya sa labas ng bansa dahil sa bintang na hindi siya isang Filipino ng mga nang-agaw sa kanyang poder bilang may kumpas sa tanyag na basketball sa lahing itinuturing na relihiyon ang larangan.
Dahil sa prinsipyo at walang katapat na halaga ng pilak ay ‘di ibinigay ni Lim ang timon sa BAP kung kaya patong-patong na kaso ang isinampa ng mga maimpluwensyang sakim at idineklarang STATELESS ang pobre kaya nagtagumpay silang mawala sa landas nila si Graham pero ‘di nito isinuko ang BAP.
Ito ang dahilan kaya nagtatag sila ng samahan sa basketbol at sinilaw ang POC at FIBA upang sila na ang kilalaning NSA at basketball association sa world cage map gamit ang kinang ng salapi nila.
Ngayon ay sila ang naghaharing-uring oligarko ng basketball sa ‘Pinas pero heto ang karma,mas malala pang kahihiyan ang sinasapit ng pambansang koponan na pinagwawagwagan ng mga walang PUSONG higanteng kalabang pang- mundial.Palusot ng mga taong magigilas na nakinabang sa yaman ng kanilang patron sa samahang basketball,at least ay # 32 ang ranggo natin sa world basketball..by golly, sino ang ginogoyo ninyo?
‘Di pa rin makauwi si Graham Lim dahil sa pag-blacklst sa kanya ng nakarmang walang hustisyang dating kalihim ng DOJ na ngayon ay senador at nakakulong dahil umano sa ilegal na droga.
Nagbago ang ihip ng panahon,iba na ang administrasyon at sumilay ang pag-asang makakauwi na si Graham sa tamang panahon.
Nawa’y mabigyan ng pagkakataon si Graham na makabalik ng Filipinas upang ipagpatuloy ang buhay ng isang mamamayang may bansa, madama ang kaukulang human rights at masagot sa proper forum ang mga ibinibintang sa kanya ng nakaraang admnistrasyon.SANA MAKAUWI NA SI GRAHAM LIM.
Comments are closed.