UNANG KASO NG BAGONG VIRUS SA CHINA, NAITALA SA THAILAND

PILIPINO Mirror
Virus

KINUMPIRMA ng World Health Organization (WHO) na may naitala nang unang kaso sa Thailand ng bagong virus na hinihina­lang mula sa China.

Ang nasabing sakit na katulad ng SARS ang sinasabing  nasa likod ng pneumonia outbreak sa China ka­makailan.

Ayon sa ulat, isang turista  na nanggaling sa Wuhan, China ang naospital sa Thailand noong Enero 8 matapos ma-diagnose na may “mild pneumonia” at sa pagsusuri ay nakumpirma  na  ang coronavirus ang pinagmulan nito.

Ang Thailand ang unang bansa na nagkaroon ng  kaso ng bagong virus sa labas ng China.

Iniulat na nitong pagpasok ng Bagong Taon ay 41 katao sa China ang nagkaroon ng sakit na may sintomas ng pneumonia.

Nagsimula ang naturang sakit sa lalawigan ng Wuhan, at isa sa mga pasyente ang namatay na.

Ang virus ay nagdudulot ng karaniwang lagnat at sipon hanggang sa mas malubhang SARS.

Related posts:

Eric DomingoPINAS LIGTAS SA MISTERYOSONG VIRUS CoronavirusPASLIT NA POSITIBO SA CORONA VIRUS TINUTUTUKAN Johnny PimentelVIRUS-RESISTANT EVAC CENTERS IPINALALATAG SA NDRRMC buntisVIRUS PUWEDENG MAIPASA SA SANGGOL NG INANG MAY COVID NECKLACE PURIFIERNECKLACE PURIFIER KONTRA VIRUS ‘DI INEENDORSO NG DOH 11 closed contacts ng 1st UK patient sa Phl, positibo rin sa virus

Comments are closed.