KOWLOON- NEGATIBO sa coronavirus disease (COVID-19) ang unang Filipino na nakumpirmang positibo sa naturang sakit sa sa Hong Kong (HK).
Ito ang resulta sa muling pagsasagawa ng pagsusuri sa babaeng Overseas Filipino Worker (OFW).
Sa mensahe ni Philippine Consulate General in Hong Kong Raly Tejada, gumaling na mula sa virus ang OFW at malusog na rin.
Nakabalik na rin aniya ito sa bahay ng kanyang employer.
Samantala, may dalawa pang Filipino ang nananatili sa isolation matapos na magpositibo sa COVID-19.
Umaasa naman si Tejada na makakalabas din ang mga ito sa pagamutan sakaling makarekober na at maging “asymptomatic” o wala nang “flu-like symptoms.”
Kaugnay nito, patuloy ang paalala nito sa mga kababayan ng pagsunod sa precautionary measures upang hindi mahawaan ng nakakamatay na sakit. PILIPINO MIRROR REPORTORIAL TEAM
Related posts:
OFWs SA EGYPT TAKOT NA RIN SA COVID-19
PINOY SA IRAN LIGTAS SA COVID-19
1 PANG PINAY SA HK NAGPOSITIBO SA NOVEL CORONAVIRUS
FILIPINO TUTOR SA SOUTH KOREA APEKTADO NA RIN NG COVID-19
1 PANG DH SA SINGAPORE NAHAWAAN NA RIN NG COVID-19
RETURNING OFWs HINAHARANG SA SAUDI
(Maliban sa 3 lugar na peligroso sa COVID-19) S.KOREA BUKAS NA SA RETURNING OFWs
(Dahil sa COVID-19) JOBLESS NA OFWs POSIBLENG SUMAM-PA SA 100K
Comments are closed.