IGINIIT ni Senate Committee on Health chairman Christopher ‘Bong’ Go na kailangan ang “unified whole-of-nation approach” para mapalakas ang paglaban ng bansa sa COVID-19 pandemic.
Sa virtual meeting kasama ang mga top government official at mga kinatawan ng medical at business sector, sinabi ni Go na kinikilala ang halaga, karanasan at kaalaman ng mga ito sa laban sa pandemic kaya naman siniguro niya sa mga ito ang kahandaan ng pamahalaan na pakinggan ang kanilang mga payo.
Sinabi ni Go na maging siya ay hindi naman expert sa larangan ng kalusugan kaya gagawin niya ang kanyang makakaya para bigyan ng boses ang mga health expert para makabuo ng pambansang estratehiya para labanan ang COVID-19.
Kinilala rin ni Go ang ambag ng business sector at ang medical community sa promotion at protection ng kapakanan ng mga kapwa Filipino.
Binigyang diin ni Go na walang katumbas ang sakripisyo ng mga medical frontliner para malampasan ang pandemyang dulot ng virus.
Dagdag ni Go, dapat ding pasalamatan ang business sector dahil sa pakikipagbayanihan at pakikipagtulungan sa pagtugon ng gobyerno sa pandemya.
Aniya, malaking ang tulong ng dalawang sektor para sa paglaban ng pamahalaan sa COVID-19 maging sa paghahanda sa long-lasting recovery at sustainable future. VICKY CERVALES
Related posts:
(Sa banta ng COVID-19) PUBLIKO PINAKALMA NI DIGONG
(Sa MV Diamond Princess) 41 PINOY NA ANG POSITIVE SA COVID-19
PINOY SA SINGAPORE POSITIVE SA COVID-19
ISRAEL AT LEBANON MAY NAITALANG KASO NG COVID-19
(Nasa iba’t ibang bansa) 63 PINOY POSITIVE SA COVID-19
5 PINOY SA LUXURY SHIP, NAKITAAN NG SINTOMAS NG RESPIRATORY ILLNESS
(Pinag-aaralan ng gobyerno) TRAVEL BAN SA JAPAN, ITALY, IRAN
PANGANIB NG COVID-19 NASA “VERY HIGH” LEVEL NA–WHO
Comments are closed.