NAGPAHAYAG ng pagkabahala ang embahada ng Estados Unidos at European Union sa pangha-harass ng China Coast Guard sa sasakyang pandagat ng Pilipinas malapit sa Escoda Shoal sa West Philippine Sea.
Ayon kay US Ambassador MaryKay Carlson, ang labag sa batas, mapanganib, at agresibong pag-uugali ng People’s Republic of China ay nakagambala sa misyon ng bansa at naglagay ng panganib sa buhay ng ating mga sundalo.
Naalarma naman si European Union Ambassador Luc Véron sa aksyon ng China na pigilan ang Bureau of Fisheries and Aquatic Resources (BFAR) na maghatid ng mga suplay sa mga mangingisdang Pilipino sa Escoda Shoal.
Una rito, binangga at binomba ng water cannon ng China Coast Guard ang BRP Datu Sanday ng Bureau of Fisheries and Aquatic Resources malapit sa Escoda Shoal.
Sa kanilang pahayag, sinabi ng CCG na ang BRP Datu Sanday ay “ilegal na lumusob” sa teritoryo ng China at patuloy na lumapit sa kanilang mga sasakyang pandagat sa isang “mapanganib na paraan.”
Related posts:
(Sa West Ph Sea) RESUPPLY MISSION NG BFAR TULOY-TULOY
BFAR VESSEL GINAMITAN NG WATER CANNON BAGO SINALPOK
CHINA NAGBABALA, TRESPASSERS HUHULIHIN AT IKUKULONG
CHINA AT PILIPINAS KAPWA HANDA SA DIYALOGO
2 BARKO NG PCG “SIRA” SA CCG
EDCA SITES SA PINAS MAGNET SA ATAKE NG MGA BANSANG KAAWAY NG PINAS
“WHAT IS OURS IS OURS” — BONG GO ASSERTS VIGILANCE IN UPHOLDING PHILIPPINE RIGHTS IN THE WEST PHILIPPINE SEA
Tilapia bagsak presyo sa P20 kada kilo