CAVITE – NADAKIP na rin ng binuong PNP Tracker and Recovery team ang sinasabing utak at nagplano sa pagtakas ng may 23 preso sa Bacoor City Custodial Center.
Ayon kay Supt. Vicente Cabatingan, ang hepe ng Bacoor City Police, nasakote ng mga operatiba si Jene Lloyd Bernabe sa gilid ng Baclaran church sa Parañaque kamakalawa ng gabi.
Sinasabing nakatanggap sila ng impormasyon na makikipagkita ang suspek sa kaniyang kasintahan bago tuluyang magtago sa Northern Luzon.
Dahil dito, agad na naglatag ng bitag ang mga pulis sa area ng Baclaran church at nang mamataan ang kanilang target ay agad na si-yang inaresto ng mga pulis.
Ayon kay Cabatingan, si Bernabe ang nag-udyok sa kaniyang mga kasamang preso na tumakas.
Sa kabuuan, 15 na ang naibalik sa kulungan ng Bacoor habang walo pa ang pinaghahanap ng awtoridad. VERLIN RUIZ
Comments are closed.